Dr.Ambedkar Medical Aid Scheme in a tum ber chu Damlo (Schedule Tribes leh Schedule Castes) natna khirh bik tuar te hnen ah a thlawna an in enkawl na tur tanpuina sum pek a ni a. Amaherawhchu heng natna benvawn Kal (Kidney) tha lo Dialysis/kal thlak ngai te, Lung zai (Heart Surgery), Thluak zai (Brain Surgery), Cancer (Surgery/Radiation/Chemotherapy), Spinal Surgery leh thihpui hlauhawm natna benvawn nei te chauh tan a dil theih a ni. Heng kan sawi tak te dil tur hian Inzai (surgery) hma in kan dilna hian Dr.Ambedkar Foundation, New Delhi a thleng hman tur a ni a, kan senso tawh te hmuh letna tur a Scheme hi hman theih a ni lo tih kan hriat a tha awm e. He Scheme dil thei tur hian a chung a kan sawi te bakah Chhungkaw sum lakluh kumtinRs,3,00,000/-( Nuai-3) aia tam lo tur a ni. He Scheme dil duh tan chuan AB-PMJAY Section, Civil Hospital, Aizawl hnen ah a form hi lei theih in a awm reng a, amaherawhchu mahni inenkawlna Damdawiin zel ah a tul ang te tihfel thin tur a ni. In enkawlna tur tanpuina sum hi Hospital Dedicated Account ah lo lutin, hemi hmang hian an Sanction hmuh ni atangin athlawn in enkawlna hi pek an ni . Sum lo sen tawh te rulh let nan a hman hi phal a ni lo tih hriat tel a tha awm e. Damlo fund hmang zo lova vanduaithlak tak a boral an awm in an hman bang ang hi Foundation lam ah thawnlet leh a ni thin bawk. Cancer Chemotherapy leh Radiation atan bik hian Mizoram State Cancer Institute (MSCI), Zemabawk lam ah dil thin tur a ni a, chutiang bawkin Phai lama refer tan hian kan kal na tur Hospital ah zel dilna hi siam tur a ni. Dr.Ambedkar Medical Aid Scheme a thil tel ngai te chu: 1.UIDAINo/ AadharCard – Xerox & Attested 2.Tribal Certificate-Xerox & Attested 3.RationCard-Xerox&Attested 4.Annual Income Certificate (Bialtu DC hnen atanga lak tur)-Xerox & Attested 5.Damdawiin in enkawlna Lehkha natna lanchian na leh Natna tichiang tu kan Investigation Report-Xerox & Attested Heng a chung a kan sawi bak ah hian Estimate Certificate, Mandate Form leh Hospital CGHS Approved Certificate te hi chu Hospital lam ah Document te thehluh hnu a thawktuten an buaipui zui tawh tur a ni.